DP Ruto Aweka Wazi Susan Kihika Ndiye Kipenzi Chake Nakuru

• DP Ruto na Kihika walikuwa kwenye gari moja na kuhutubia wakazi kwa pamoja baada ya klikao nyumbani kwake
• Kihika aliandaa mkutano wa Ruto nyumbani kwake kama namna ya kufungua rasmi boma lake alilounda hivi maajuzi
• Nyumba hiyo ya kifahari ni miongoni mwa mikakati yake katika kuwania kiti cha ugavana kaunti ya Nakuru

Naibu Rais William Ruto Jumamosi Oktoba 2 alionyesha wazi kuwa Seneta wa Nakuru Susan KIhika ndiye kipenzi chake katika siasa za kaunti hiyo.

Ruto alikubali mwaliko wa Kihika kuhudhuria kikao na hustlers wa Nakuru katika nyumbani kwa seneta huyo.

Mwaliko huo ulikuwa pia nafasi ya Kihika kukaribisha Ruto na wafuasi wa UDA katika makao yake mapya huko Ngata.

Wafuasi hao walipata nafasi ya kuingia katika boma hilo ambalo limeundwa hivi maajuzi likitajwa kama mojawapo wa mikakati ya Kihika kuwania ugavana Nakuru.

Wakosoaji wa Kihika wamekuwa wakimlima kwa kukosa kuwa na boma kaunti ya Nakuru na kuhoji ni vipi ataongoza wakazi kutoka Nairobi.

Sasa amewajibu kwa kuunda boma la kifahari ambalo pia limezua gumzo wa ni vipi amekuwa akiuza sera za hustlers na yeye ni wazi ana mifuko mizito.

Baada ya kikao nyumbani kwa Kihika, Ruto alizuru Nakuru mjini huku akiandamana na Kihika sako kwa bako.

Kama ishara ya kuwa Kihika ndiye chaguo lake, DP alikuwa kwenye gari moja naye wakati wa kuhutubia wakazi.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Tazama Video Kemkem za Kusisimua Kutoka hapa TUKO.co.ke

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ4VzhJRmm6lloqrBsHnAsJykmV2srru1jKysrJmeYriqtMikmGamlJ7GpnnKoqeepqqeeqS0wKScZqaRoMKzwY2hq6ak